Saterdag 9 Maart 2019 is dit weer tyd vir Riversdal Wes se jaarlikse Gholfdag. Bel gerus die klubhuis om in te skryf. 028 713 3056
Riversdal Wes Gholfdag
Sundowner uitslae – 23 November 2018
Vrydag se sundowner is hierdie week gewen deur George Uys met ‘n totaal van 19 punte gevolg deur Frans Myburg, Colin Sharwood & Suzaan Olivier almal met ‘n totaal van 18 punte.
Ons bedank graag ons borge vir die dag, JC Slagtery, Max-Baise; Nibbling Squirrel, Spur & Motors & Trekkers.
Gholfnuus 22 Maart
Vrydag 16 Maart se sundowner byeenkoms is gekenmerk deur relatiewe ongewoon lae tellings met Gerhard Hough wat met 21 punte die kompetisie gewen het. Hy is gevolg deur Andre Olivier met 18 punte, gevolg deur Basie Nortje, Louis Vermaak en Andre la Cock met 17 punte elk.
Saterdag 17 Maart het die groot jaarlikse gholfdag van die NG Kerk Riversdal Wes plaasgevind en is, soos gewoonlik, baie goed deur 64 gholfspelers van Riversdal en die omgewing bygewoon. Die kompetisie was ‘n vierbal spankompetisie en is gewen deur die span van Walter Diedericks, Davey Roberts, Denzil Geldenhuys en Andrew Meyer met ‘n uitstekende telling van 116 punte. Hulle is gevolg deur Bez Bezuidenhout, Wessel de Bruyn, Tos Michaels en Llwellen October met 111 punte, en Nathan Julies, JD Julies, Gawie von Molendorff en Corne von Molendorff met 103 punte. Die dag was ‘n groot sukses en al die fondse wat ingesamel is, sal ten bate van kinders aangewend word. Groot dank is verskuldig aan ds Deon Beyers en sy span vir die puik organisering en aanbieding van so ‘n groot dag met baie goeie pryse wat deur almal wat daaraan deelgeneem het, baie geniet is. Dit is voorwaar een van die gesogste borgdae op die gholfklub se kalender en spelers sien jaarliks daarna uit om by die dag betrokke te wees.
Klublede word herinner aan die Algemene Jaarvergadering wat Donderdag 22 Maart plaasvind waartydens die nuwe komitee verkies sal word. Lede word aangemoedig om die vergadering by te woon om sodoende insae in die finansies te kry en saam te praat oor belangrike besluite wat tydens die vergadering geneem sal word.
Gholfnuus 15 Maart
Die sundowner byeenkoms Vrydag 9 Maart is gewen deur Josef Botes met 21 punte, gevolg deur Paul de Villiers en Alrique Julies met 20 punte, Pieter Franklin met 19 en Andre la Cock met 18 punte.
Saterdag 10 Maart het die derde been van die “Race to Wembley” houespel kompetisie op soek na die groot prys in Desember plaasgevind. Die dag is gewen deur Grové Koch met 70 houe, gevolg deur Anton Swart, Jaco Swanepoel en Albertus Swart met 71 houe elk, Wickus Lourens met 72 en Mark Stander met 73 houe.
Klublede word herinner aan die Algemene Jaarvergadering wat sal plaasvind op Donderdag 22 Maart waartydens die nuwe komitee verkies sal word. Lede word aangemoedig om die vergadering by te woon om sodoende insae in die finansies te kry en saam te praat oor belangrike besluite wat tydens die vergadering geneem sal word.
Gholfnuus 1 Maart
Die sundowner byeenkoms Vrydag 23 Februarie is gewen deur Jaco Swanepoel met ‘n skitterende 24 punte, gevolg deur Grove Koch met 22, en die Julies broers Elrique en Nathan met 21 punte elk.
‘n Teleurstellende aantal spelers het Saterdag 24 Februarie opgedaag vir die borgdag van Jacksons fiets- en motoronderdele. Groot dank aan Josef Botes wat, ten spyte van die min spelers, tog bereid was om voort te gaan met die toernooi en pryse van hoogstaande kwaliteit vir die pryswenners aan te bied. Die dag is gewen deur Werner van Niekerk met 39 punte, gevolg deur Frikkie Jackson en Basie Nortje met 37 punte, Frans Myburgh en Jaco Swanepoel met 36 punte, en Berto van Dyk met 35 punte.
Gholfnuus 22 Februarie
Die sundowner byeenkoms Vrydag 16 Februarie is gewen deur JA Vermaak met 21 punte, gevolg deur Damien Juta, Grove Koch, Andre La Cock en Gerhard Hough met 19 punte elk.
Die eerste Super 9 byeenkoms van die jaar tussen klubs met 9-putjie bane in die Suid Kaap is Saterdag 17 Februarie op Riversdal gehou. Dit is baie goed deur al die klubs in die omgewing ondersteun en ‘n total van 92 spelers het vir die kompetisie ingeskryf. Spel het al voor 08:00 begin en die laaste hand het net voor 19:00 ingekom. Die dag is gewen deur Stilbaai met 182 punte, gevolg deur Riversdal met 181 en Heidelberg met 177 punte. Individuele wenners van die beterbal kompetisie was Wessel de Bruyn en Johan Swart (Stilbaai) met 47 punte, gevolg deur Piet en Janet Uys (Heidelberg) met 46, en Damian Juta en Charlton Sambo asook Pieter May en Garnet Damons (Riversdal) met 45 punte elk. Groot dank aan JC Slaghuis wat weereens as borg vir die pryse by al die byeenkomste vir hierdie kompetisie deur die jaar gaan optree.
Gholfnuus 15 Februarie
Die sundowner byeenkoms Vrydag 9 Februarie is gewen deur Basie Nortje met 22 punte, gevolg deur Frans Myburgh, Willie Prins en Reon Grundlingh met 19 punte elk, met Herman Kluyts met 18 punte in die vyfde plek.
Tydens die tweede been van die Race to Wembley houespel kompetisie gehou op Saterdag 10 Februarie het Muller Geldenhuys en Mark Stander hulle posisie op die puntelys versterk deur onderskeidelik derde en vierde te kom. Die dag is gewen deur Frikkie Jackson, wat JC Swart en Geldenhuys op ‘n uittel met 69 houe geklop het, gevolg deur Stander met 70 houe, en Josef Botes en Gawie von Molendorff met 71 houe elk.
Gholfnuus 8 Februarie
Vrydag 2 Februarie se sundowner byeenkoms is gewen deur George Uys met 21 punte, gevolg deur Berto van Dyk met 20 punte, Jaco Swanepoel en Suzanne Olivier met 19 punte elk, en Basie Nortje en Werner van Niekerk met 18 punte.
Tydens die DTM Nissan se jaarlikse borgdag gehou op Saterdag 3 Februarie het Uys en Swanepoel weereens goeie gholf opgedis, met Swanepoel hierdie keer die wenner wat Uys met ‘n uittel op 39 punte in die tweede plek gedwing het. Hulle is gevolg deur Colin Sharwood en Gawie von Molendorff met 38 punte, en Jannie Goosen, Koos Eksteen en Muller Geldenhuys met 37 punte elk. Groot dank is verskuldig aan die Nissan span van George vir die reelings, aanbieding en pryse van hierdie dag, wat besig is om ‘n gereelde instelling op ons kalender te word.
Gholfnuus 1 Februarie
Die gewilde sundowner kompetisie Vrydag 26 Januarie is oorheers deur twee juniors, met Alriqye Julies wat met 21 punte gewen het, gevolg deur nog ‘n junior, Keano Hendricks en nog vier ander spelers ook met 19 punte elk: Jaco Swanepoel, Berto van Dyk, Louis Vermaak en Willie Prins.
Saterdag 27 Januarie het die eerste plaaslike rondte van die Windhoek pare byeenkoms plaasgevind wat nasionaal aangebied word. Die uiteindelike wenners van hierdie gewilde toernooi , wat internasionaal gespeel word, sal uiteindelik later vanjaar in Portugal aan die finale rondte deelneem. Die wenners op Riversdal was Gerhard Pienaar en Andre Olivier met ‘n baie goeie 52 punte, en ons wens hulle sterkte toe vir die volgende uitdunrondtes op pad na die finaal. Hulle is gevolg deur Mark Stander en Riaan Kasselman met 51 punte, Anton en JC Swart met 50 punte, en Willie Prins en Walter Diedericks ook met 50 punte.
Gholfnuus 25 Januarie 2018
Tydens Vrydag 19 Januarie se sundowner byeenkoms is die spog-twee balpot, wat tot ‘n aansienlike bedrag opgehoop het nadat dit vir ‘n hele paar weke nie gewen is nie, uiteindelik gewen deur Willie Prins. Berto van Dyk het getoon dat hy met mening terug is deur die kompetisie te wen met 22 punte, gevolg deur Gerhard Pienaar en Jaco Swanepoel met 21, Leon Fourie met 20 en Josef Botes met 19 punte.
Saterdag 20 Januarie se houespel kompetisie is gewen deur Werner van Niekerk met 67 houe, gevolg deur Jannie Goosen met 68 houe, en vier spelers met 69 houe: Koos Eksteen, Josef Botes, Gawie von Molendorff en Leon Fourie. Van Niekerk het met ‘n eindpoging vorendag gekom en afgesluit met arend drie op die laaste putjie om so, na twee rondtes, gelyk te eindig met Mark Stander, verlede week se voorloper om die Le Grange beker. Die twee spelers deel dus die gesogte Le Grange beker in 2018 met ‘n totaal van 137 houe.
Die kalender vir die nuwe jaar is by die klub beskikbaar. Kontak die klub by 0287133056 of 0828520464 vir enige ander navrae of besonderhede oor tariewe en bepalings. Ons nuwe webwerf, www.riversdalgolfclub.co.za, is nou in werking en kan besoek word vir algemene inligting. Besoek ook gerus die facebook blad: Riversdal Gholfklub vir sosiale nuus en plasing van fotos en nuuswaardighede wat op die gholfklub van toepassing is.